搜尋

2018年3月24日 星期六

不要問,只要信,勇者無懼!


昨晚跟一班師弟妹聚舊,笑的次數足足等於過往幾個月的份。其中一位小師妹是位比我年輕幾年的女孩子。晚飯途中不知為何談到投資,小師妹更分享自己把全副身家all in一隻股票。

我跟另一位師弟都非常好奇是何股令她如此有信心,連忙問她那股的冧巴。

小師妹:下?我都唔知,等我睇睇。

語畢,全場都大爆笑,直言她太離譜,用全副身家all in一隻股竟然連冧巴都唔知。

接著小師妹再爆一句:呢隻始終係中資股,啲財報假假地咁。

我:你有無Check過財報係咪BIG 4做?定其他?
小師妹:下,我唔知喎。
我:咁會計對財報有無保留意見?
小師妹:我都唔知丫……
師弟A:你真係羊太黎架喎!
師弟B:你咩都唔知又咁有信心,一定係有內幕消息啦。
(小師妹連忙點頭)
師弟B:個啲咩人黎架,信唔信得過,你會唔會比人呃?
小師妹:唔會,佢一定唔會呃我!
師弟A:咁有信心,你地一定交情非淺啦~
師弟B:你有無諗過,比內幕你個條友其實都比人呃緊。

語畢全場又一陣爆笑,直言師弟B痛擊盲腸。

小師妹:不要問只要信,勇者無懼!我八蚊買,而家升到十二蚊啦!
我:而家升其實真係唔知關唔關隻股本身,牛市喎。
師弟B:係喎,牛三你小心啲。
小師妹:我諗住升夠一倍就放 ,佢地話可以到廿蚊架!
我:咁你有無計過其實由而家十二蚊上到十六蚊係幾多%
師弟B:等我計計先原來都成30%
我:我頭先睇左原來隻股今日公佈業績,一公佈股價就跌,係咪業績有問題?
小師妹:下?我唔知丫唉,你地搞到我好驚丫!
師弟B:原來你連股價都唔睇咁大鑊!你起碼每日睇下丫!
我:如果日日睇,佢可能會食唔安訓唔落
師弟A:係囉,我都覺得唔好日日睇
師弟B:唔係呢,你點都睇下好
小師妹:好啦好啦,我會睇下架啦

窮家女經常聽到羊的故事,但還是第一次親身遇到。小師妹聽完識驚實在是好事,起碼仲有得救。個人覺得小師妹未必會輸,因為的確有不少人因為一次幸運而致富,輸是之後的事。

當然,如果小師妹每次都用這種態度投資,我相信幸運之神也不會眷顧她太久。

這場飯局中讓我最深刻的反而是師弟B。言談間明顯發現師弟B對股票有一定認識,但他一股也沒有買。為什麽?他説以前公司的同事炒股,輸很多,弄得他也不敢玩。

這麽說來其實最「勇者無懼」的是窮家女本人。我從小已見識過不少投資失利的人,當中也包括自己。說來也奇怪,我從來沒有因此而懼怕投資。只是單純的想:世上總有人能靠投資進一步致富,我也可以成為那樣的人。

直到今天,我依然是這樣想的。

blog文的一刻,正是投資者對中美貿易戰的恐慌導致股市急跌的時刻。
危機危機,有危便有機。

14 則留言:

  1. All in 一隻真係有d顛,除非幅身家得一萬幾千

    回覆刪除
    回覆
    1. 哈哈,不止一萬幾千,真係勇者無懼架

      刪除
  2. 我抱著「不要騰只要訊」的信念去買騰訊,應該也算勇者無懼

    回覆刪除
  3. 我以前都係ALL IN 939咋。。。
    ALL IN 都睇下買左乜既。

    回覆刪除
  4. 妳好!看到妳兩年的文章提到有關博客來及金石堂,請問可否給我金石堂的推薦人序號? 謝謝!

    回覆刪除
    回覆
    1. 抱歉,我不太清楚推薦人序號是什麼?

      刪除